Паводле вайсковага ведамства Ўкраіны, абмен палоннымі адбыўся паводле дамоўленасьцяў, дасягнутых у Стамбуле. Ва Ўкраіну вярнуліся вайскоўцы ва ўзросьце да 25 гадоў, а таксама параненыя і тыя, хто мае праблемы са здароўем.
Пераважная большасьць вызваленых сёньня ўкраінскіх вайскоўцаў трапілі ў палон у 2022 годзе, значная частка — падчас абароны Марыюпалю.
З палону таксама былі вызваленыя байцы Нацыянальнай гвардыі, якія ахоўвалі Чарнобыльскую АЭС.
Паведамляюць, што абмененых вайскоўцаў Украіны і Расеі было пароўну, але колькасьці не называюць.
Міністэрства абароны РФ інфармуе, што абмененыя расейскія вайскоўцы цяпер у Беларусі, дзе ім аказваюць неабходную псыхалягічную і мэдычную дапамогу.
Беларусаў у ліку перададзеных Украінай расейскіх вайскоўцаў не было
ГЛЯДЗІЦЕ ТАКСАМА: КДБ: Беларусь удзельнічала ў 38 абменах паміж Расеяй і Ўкраінай