Як паведамляе Дзяржстандарт, прадукцыю «актыўна прапаноўвалі спажыўцам на рынках і кірмашах, у гандлёвай сетцы Віцебска і Оршы ў канцы сьнежня 2021 — студзені 2022 году».
Як высьветлілася пасьля праверкі, 9 з 10 названых на этыкетках вытворцаў (ТАА «Персей», «Сахал», ТАА «Сальмонікс», ТАА «Сахалін Порт», ТАА «Сахалінская ікра», ТАА «ЯкутРыб», ТАА «Дэльта», ТАА " 13«, ТАА «Жамчужына Камчаткі») насамрэч не існуе: іх або ліквідавалі некалькі гадоў таму, або зьвесткі аб іх адсутнічалі ў Адзіных дзяржаўных рэестрах юрыдычных асобаў і індывідуальных прадпрымальнікаў, разьмешчаных на сайце Фэдэральнай падатковай службы РФ. Дэклярацыі аб адпаведнасьці патрабаваньням тэхнічных рэглямэнтаў Мытнага саюза адсутнічалі.
Праверка 4 відаў прадукцыі (нібыта вырабленых ТАА «Персей», «Сахал», «Сальмоникс», «Сахалин Порт», «Сахалинская икра», «ЯкутРыб», «Дельта», «13», «Жемчужина Камчатки») ў Інстытуце генэтыкі і цыталёгіі НАН Беларусі паказала, што ні адзін з узораў не ўтрымліваў ДНК ласасёвых відаў рыб (сёмга, вясёлкавая фарэль, гарбуша, кіжуч, кета, нерка). Такім чынам, прадукт не зьяўляецца ікрой ласасёвых рыб.
Па выніках праверкі «ікру» забаранілі прадаваць і прынялі меры, якія абмяжоўваюць яе ўвоз на тэрыторыю Беларусі.
